Сингапур авиакомпанияси “Singapore Airlines” коронавирус пандемияси сабабли иккита Airbus А380 самолётини ресторанга айлантирди. Ташриф учун чипталар сотув бошлангандан кейин 30 дақиқа ичида сотилиб кетди, деб хабар бермоқда Esquire.
Самолётлар Чанги аэропортида овқатланиш учун 2020 йилнинг 24 ва 25 октябрь кунлари ишлайди. Кечки овқат меҳмонларга қанчалик хизмат кўрсатилишига қараб 39 дан 473 долларгача тушиши мумкин.
Шу билан бирга, “Singapore Airlines” меҳмонларга икки хил спиртли ичимликни бепул ва бир неча турдаги бошқа ичимликларни таклиф этади. Бундан ташқари, кечки овқатдан аввал авиакомпания ходимлари хоҳловчилар учун самолёт бўйлаб экскурсия ўтказади.
Маълумот учун, ресторан вазифасидаги самолётнинг ҳар бири ярмигача тўлиши режалаштирилган. Доимий Airbus А380 рейслари аслида 471 нафар кишини қабул қила олади.
Мавзуга доир:
- Хитойдаги видеостудияга лама ишга ёлланди. Унинг вазифаси — ходимлар кайфиятини кўтариш (видео)
- Гавайида ишсизларнинг ресторанда овқатланиши учун 500 доллардан пул ажратилади. Ҳукумат пандемия даврида аҳолини шу тариқа қўллаб-қувватлайди
- Америкада доимий мижоз пицца ташувчига 12 минг доллар чойчақа қолдирди (видео)
- Британиялик эркак ниқоб ўрнига тирик илонни «тақиб» автобусга чиқди (видео)
Изоҳ (0)