Токиолик фуқаро Sega компаниясига тегишли ўйин автоматидан мукофотни чиқариб олиш учун 200 маротаба уриниб кўрди. Япониялик эркак бу ишни уддалай олмагач, полициячиларни чақирган. Бунинг устига у Twitter’да ўзининг омадсизлиги тўғрисида шикоят қолдирган, деб хабар беради SorаNews24.
Ўз навбатида полициячилар ушбу ўйин залида ишлайдиган ходимни ёрдамга чақирган. У эса ташриф буюрувчи етарлича ҳаракат қилмаганини исботлаб беришга қарор қилган. Бироқ ходим 300 маротаба омадсиз уринишидан сўнг таслим бўлган ва мукофотни олиш осон бўлиши учун унинг жойини ўзгартирган. Шундан сўнггина, у ўйинчоқни олишга муваффақ бўлган.
Шикоятни амалга оширган эркак ҳам буни уддалаган. Бироқ 200 маротаба амалга оширилган омадсиз уринишлар учун сарфланган пуллар қайтарилганми ёки йўқ — буниси номаълум. Япониялик эркак нима сабабдан ўйин автоматидан ўйинчоқни олишга бунчалик қизиққани ҳам маълум эмас. Бироқ таъкидланишича, полиция ўйин зали ходимларига нисбатан ҳеч қандай чора кўрмасликка қарор қилган.
Sega’нинг маълум қилишича, бу каби муаммолар юзага келганда ўйин зали ходимларига мурожаат қилиш мумкин.
Изоҳ (0)