Буюк Британия фуқароси комадан чиқиб 20 йиллик ҳаётини унутиб қўйди. У ўз яқинларини ўғрилар деб ҳисоблаган ва шифокорларни ҳозир 1998 йил эканлигига ишонтиришга уринган, деб ёзади Меtrо.
2018 йилнинг 12 февралида 36 ёшли Стиви Картер суюклиси билан ишга кетаётган бўлган. Тўсатдан аёл бошида оғриқ пайдо бўлганини сезган. «Чидаб бўлмас оғриқ сабаб мен бақиришни бошладим», — дея эслайди Картер.
Ҳайдовчи шу заҳоти машинани ортга буриб, аёлни уйига олиб борган. У Картерга эшикка етиб олиши учун ёрдамлашган, бироқ аёл остонада йиқилиб, хотирасини йўқотган. Воқеа жойига етиб келган тез ёрдам ходимлари уни маҳаллий шифохонанинг неврология бўлимига олиб кетган. Мия томографияси бемор камёб касаллик — артеривеноз малформация билан туғилганини кўрсатган. Бу эса инсультни пайдо қилиб, мияга қон қуюлишига олиб келган.
Картернинг аҳволи фавқулодда оғир бўлгани сабаб шифокорлар унинг миясини зудлик билан операция қилиб, аёлни сунъий комага туширишга мажбур бўлган. Тиббиёт ходимлари беморнинг яқинларига аёлнинг омон қолиш эҳтимоллиги тахминан икки фоизга тенглигини маълум қилган.
Орадан икки ҳафта ўтгач, аёл ўзига келган, бироқ у ўз яқинларини эслай олмаган ва ҳозир 1998 йил деб ҳисобланган. Картернинг айтишича, уни ўғирлаб кетишган ва 20 йил давомида асирликда сақлашган. «Мен қаерда эканлигимни ва нималар бўлаётганини тушунмас эди. Шунингдек, касаллик танамнинг ўнг қисмини шол қилиб қўйгани сабаб узоқ вақт қайта тикланиш курслари керак бўлди», — дейди Картер.
Операциядан бир неча ҳафта ўтгач, британияликнинг хотираси яна қайта бошлаган. Уч ой давом этган жисмоний машқлар унинг тўлиқ ҳаракатланиш функциясини тиклашга ёрдам берган. Бироқ Картер ҳамон хотираси билан боғлиқ муаммолардан шикоят қилиб туради.
Изоҳ (0)