Megalopyge opercularis – капалак қуртини оддий жун парчаси билан осонгина адаштириш мумкин. Ушбу ҳашаротнинг бел қисми узун сочларга ўхшаш толалар билан зич ёпилган. Капалак қурти ривожланишининг дастлабки босқичларида бу толалар жингалаклашади, бу эса унинг жунини ҳажман кўпайтиради.
Бироқ бу ёқимли кўринган ҳашарот ўзида заҳарли тиканларини яширади. Уни оғриқли санчиши туфайли терида шиш ва қизариш кузатилади. Бундан ташқари, ҳашаротлар билан алоқада бўлганлар вақти-вақти билан бош оғриғи, иситма, кўнгил айниши, қайт қилиш, қон босими пастлиги, юрак уриши, талвасага тушиш ва баъзида қорин оғриғига дуч келади.
Сўнгги пайтларда АҚШнинг Виржиния штатида Megalopyge opercularis капалак қуртлари кўпайиб кетгани маълум бўлди. Чунки Ўрмон хўжалиги давлат департаменти бу ҳақида штат аҳолисини огоҳлантирди.
«Капалак қуртлари эман ва қарағай баргларини истеъмол қилади, лекин уларни боғ ва бинолардан ҳам топиш мумкин. Агар капалак қуртларига дуч келинса, уларни шундайлигича қолдириш керак ва уларнинг табиий душманлари сонини назорат қилади – ҳаёт тарзининг турли босқичларида ушбу ҳашаротларни овлайдиган бошқа жонзотлар ҳам мавжуд», — дея хабар беради департамент.
Шунингдек, департамент капалак қуртлари дарахтлардан инсонлар кийимиги тушиб, ёпишиб қолиши мумкинлиги ҳақида ҳам огоҳлантирди. Флорида Заҳарлар бўйича маълумот маркази капалак қуртларининг устига ёпишқоқ тасмани ёпиштириш ва бирданига уни олиб ташлаш орқали терига тушган ҳашаротдан халос бўлишни тавсия қилади.
Megalopyge opercularis асосан, Атлантика океанининг шарқий қирғоғида Флорида ва Нью-Жерси ўртасида кўп учрайди. Аммо уларнинг яшаш жойи яқинда ғарбга қараб − Арканзас ва Техасгача чўзилган, дейилади Флорида университетининг Энтомолигия бўлимида. Шунингдек, ҳашаротлар Мексика ва марказий Американинг айрим қисмларида, дарахт ва боғ ўсимликларида учраши мумкин.
Изоҳ (0)