Yaponiyalik erkak pandemiya sababli yopilgan Machu-Pikchuni ziyorat qilish uchun 7 oy davomida Peruda yashadi Natijada shahar faqat uning o‘zi uchun ochildi

Yaponiyalik Jessi Katayama 2020-yil mart oyida Machu-Pikchuni tomosha qilish uchun Peruga tashrif buyurgan, ammo koronavirus pandemiyasi sababli YUNESKOning Butunjahon merosi ro‘yxatiga kiritlgan shahar yopilgan. Oradan yetti oy o‘tib, sayyohning orzusi amalga oshdi. “Yo‘qolgan inklar shahri” faqat u uchungina ochildi, deb xabar beradi CNN.

Katayama 2020-yil 14-mart kuni Peru shahridagi Aguas-Kalentesga – sayyohlar Machu-Pikchuga sayohat qilishni boshlaydigan shaharga yetib keldi va u yerga kirish uchun 2020-yil 16-mart kuniga chipta ham sotib oldi. Ammo, aynan shu kuni hukumat COVID-19 tarqalishining oldini olish maqsadida diqqatga sazovor joyga kirishni cheklab qo‘ydi.

Chegaralar yopilganligi sababli sayyohlar ham Janubiy Amerikadagi boshqa mamlakatlarga bora olmadi, shuning uchun Katayama Aguas-Kalentesda kichkina xonani ijaraga oldi va yetti oy davomida shu yerda yashadi. O‘tgan vaqt mobanynida u hududni o‘rganib chiqdi, do‘stlar orttirdi va bolalarga boksdan saboq berdi. Katayamada pul tugab, uyiga qaytishiga to‘g‘ri kelganda, o‘z voqeasini Peru sayyohlik kompaniyasiga aytib berdi.

Bu esa kompaniya vakillarini befarq qoldirmasi va ular yaponiyalik erkakka Machu-Pichuga kirishi uchun maxsus ruxsatnoma olishiga yordam berdi. Shunday qilib, yaponiyalik yetti oydan keyin shaharga kirgan birinchi kishi bo‘ldi.

2020-yil 16-oktabrda Katayama Yaponiyaga qaytishi kerak, ammo u hozircha Aguas-Kalentes aholisi bilan xayrlashmoqda. “Men o‘zimning yangi qismimni kashf etishga urindim”, − deydi yaponiyalik sayyoh.

https://www.instagram.com/p/CGQvpQcpk8p/?utm_source=ig_embed&utm_campaign=loading