АҚШнинг Юта штатида 26 яшар йигит югуриш чоғида агрессив пумага дуч келган. Бу ҳақда «Korrespondent.net» хабар берди.
Маълум қилинишича, Карл Баржесс 11 октябрь куни югуриш учун Прово шаҳри яқинидаги Слейт-Канон боғига борган. Йўлда кўзи тушган кичик ҳайвонларни силовсин боласи деб ўйлаб, уларни телефонига суратга ола бошлаган. Бир неча сониядан кейин пума пайдо бўлган ва Карл ҳайвонлар унинг болалари эканини тушуниб етган.
https://youtu.be/9Pg2CDCm34w
У камерасини ўчирмасдан, ўгирилмаган ҳолда юра бошлаган, ҳайвондан болалари ёнига боришини сўраган, ҳатто қўрқитиш учун турли овозлар чиқарган, аммо пума унинг кетидан келишни тўхтатмаган.
Ҳайвон Баржесс тош отганидан кейингина қочиб кетган. Йигит 11 км айланиб юрмаслиги учун пумани учратган ерига қайтиб боришига тўғри келган. У ярим соат кутган ва қўлига тош ва таёқ олиб, йўлида давом этган. Йўлида учраган кишилардан пума кўринмадими, дея сўраган. Одамлар кулиб, унинг сўзларига ишонмаган. Тирик қолганига шукур қилган йигит ушбу боғда қайта югурмасликка қарор қилган.
Изоҳ (0)