Мажбурий ижро бюроси Самарқанд шаҳар бўлими томонидан «Sherzod building system» масъулияти чекланган жамиятидан ундирувчилар — Самарқанд шаҳар Давлат солиқ инспекцияси фойдасига 362 миллион сўм солиқ қарздорлиги ва «Анвар Замон Нур» масъулияти чекланган жамияти фойдасига 54 миллион сўм ундирилган. Бу ҳақда «Дарё»га МИБ вилоят бошқармаси ахборот хизмати хабар берди.
Маълум бўлишича, Самарқанд шаҳар Давлат солиқ инспекциясининг қарорига асосан, қарздор «Sherzod building system» МЧЖдан 362 миллион сўм солиқ қарздорлиги ва Самарқанд шаҳар иқтисодий судининг суд ҳужжатига асосан, «Анвар Замон Нур» масъулияти чекланган жамияти фойдасига 54 миллион сўм ундириш белгиланган.
Мазкур ҳужжат Мажбурий ижро бюроси Самарқанд шаҳар бўлими иш юритувига келиб тушган ва ижро иши юритиш учун қўзғатилиб, томонларга юборилган. Ижро ҳаракатлари давомида қарздорга тегишли банкдаги ҳисоб-рақамига давлат ижрочисининг қарорига асосан банд солинган ва унга тегишли бўлган мол-мулкларни аниқлаш мақсадида мутасадди сўров хатлари юборилган.
Изоҳ (0)