Кузда оддий кўриниб қолмаслик учун трикотаж кўйлакни нима билан мослаш керак?

Кунлар совишни бошлаганида кўйлак кийиб бўлмайди, деб ўйлаганлар хато қилади. Қалин трикотаж матоли либос билан ҳам иссиқ, ҳам замонавий образлар яратиш мумкин. Бунинг учун эса дид ва кийиниш борасидаги тенденцияларга амал қилишнинг ўзи кифоя.

Узун этик билан

Миди узунлигидаги трикотаж матоли кўйлак билан узун этик образнинг чиройли кўринишига сабабчи бўлади. Кўйлак этикнинг юқори қисмини ёпиб турса, қомат ва бўй чиройли кўринади. Этик ва либос бир рангда бўлса ёки ёрқинлиги билан фарқ қилса, яна яхши.

Палто билан бир рангда

Қоматни ихчамроқ кўрсатишнинг яна бир усули бир рангда палто ва кўйлак кийиш ҳисобланади. Миди узунлигидаги трикотаж кўйлак устидан макси-палто кийинг. Палто қанча узун бўлса, шунча чиройли кўринади. Узунлик ва бир хил рангнинг тўғри танланиши натижасида образ мукаммал бўй, қомат эса чиройли кўринади.

Кроссовка билан

Кенг турадиган трикотаж матоли либос билан йирик кроссовка замонавий кўринади. Кундалик сайр, дресс-код бўлмаган офис ва ўқиш учун ҳам бундай услубда кийиниш қулай ва ўзига хос саналади.

Пиджак билан

Трикотаж матоли либослар алоҳида тадбир ва учрашувлар учун эмас, деган тушунчани инкор этган ҳолда оверсайз пиджак билан чарм пойабзал кийиш тавсия қилинади. Бундай услубда кийиниб, нафақат офис, балки кўргазма ва дўстлар билан овқатланишга ҳам борса бўлади.

Қалин камар билан

Қалин камар мазкур мавсум учун энг кераги ҳисобланади. У орқали образга урғу бериш, қоматни акс эттириш мумкин. Базавий трикотаж матоли либос устидан қалин чарм камар тақиш ва шунчаки қизиқарли кўринишга эга бўлиш мумкин.

Узун шарф билан

Узун шарф билан нафақат башанг услубда кийиниш, балки силуэтнинг ихчам ва латофатли кўринишига эга бўлиши мумкин. Бўй аслидан баландроқ кўринишига эга бўлиши учун эса либос рангидаги шарфни танлаш, уни елкага ўраб, бир тарафини орқага ташлаш керак.

Чарм куртка билан

Образ қизиқарли ва ўзига хос бўлиши учун фактураларни қориштириш керак. Юмшоқ трикотаж матоли либос билан чарм куртка ва қалин, боғичли ботинка кийинг. Куртканинг бичими кенг ва кўйлак устидан ёпишиб турмаслигига эътибор қаратиш керак.