Эпидемия вақтида бош кийимсиз юриш хавфли ҳисобланади. Дизайнерлар бунинг ҳам ажойиб ечимини топди.
Шарф-Снуд
Мавсумнинг энг замонавий бош кийими бўлиб, уни шарф ёки капюшон сифатида ҳам кийиш мумкин. Масалан, Италиянинг Missoni трикотаж бренди ташқи кийимга мос тарзда Кашмир снуд кийишни тавсия этади. Албатта, бу ажойиб кўринади, шунингдек, бошни ҳам иссиқ тутади.
Капюшон
Капюшонни фақат спорт либоси деб ўйлайдиганлар Balenciaga моделларини намойиш этган либосларни томоша қилсин. Мода брендида одатий либосларга ҳам «капюшонлар» бириктирилган бўлиб, уларни классик этик ва пойабзаллар билан кийиш мумкин. Айтганча, капюшонни бўйинга қатлаб, уни яшириш ҳам мумкин.
Берет
Агар берет гўёки ярашмаётгандек кўринса, демак, харид чоғида мосини танламаганликдандир. Сабаби беретни олишнинг ўзига яраша қонун ва қоидалари мавжуд. Юзи узунчоқ шаклдаги аёллар беретни думалоқ шаклдагисини бироз ён томонга қиялаб кийиши мумкин. Думалоқ юзлилар эса зич ва жингалак тўқималисига аҳамият қаратиши лозим.
Тасма
Баъзан музлаб қолмаслик учун қулоқларни иситиш кифоя. Ҳар қандай вазият учун турли хил тасмалар сотиб олиши мумкин. Масалан, узоқ ватқ йўлда юриш учун трикотаж, пальтолар учун кашмир, кечки зиёфат учун шойилигини танлаши мумкин.
Кепка
Ушбу бош кийим фақат эркакларники ҳисобланмайди, шунингдек, буни кечки зиёфат учун ҳам мослаш мумкин. Бу яқинда бўлиб ўтган Миландаги Akris модалар фестивалида намойиш этилди. Унга кўра, кепка эмас «кепи» модасида иложи борича классик – бош шаклидаги силуэт ва қуёш нуридан ҳимоялагич бироз кичикроқ бўлади.
Рўмол
Christian Dior ва Mark Jacobs бошни рўмол билан безашни тавсия қилмоқда. Ҳар қандай аёл қиш кунларида палтога мослаб турли хил рўмол билан кўриниш бериши мумкин.
Қулоқчинлар
Мода ихлосмандлари яна бир ажойиб аксессуарни таклиф теди. Унга кўра, қулоқчин ўрнатилган бўлиб, ташқи кўринишидан рамкага ўхшайди ва қулоқларни мукаммал қоплайди ҳамда иссиқ тутади.
Шляпа
Шляпа аввалданоқ хонимларнинг ажойиб бош кийими сифатида қадрланган. Уни ёзнинг иссиқ ёки салқин кунларда ҳам либосга мослаб кийиш мумкин.
Тюрбан
Бир неча кун аввал Миланда якунланган мода хафталиги кўра, аввал урфда бўлган кўп рангли тюрбан (салла) яна модага қайтганини кўриш мумкин. Моделлар подиумга африкача услубда ўралган ипак шарфлар билан чиқди ва бу жуда чиройли кўринди.
Изоҳ (0)