Кузги аёллар гардеробида асосан тўқ ва базавий рангдаги либослар ўрин олган бўлади. Лекин мазкур фаслга хос меланхолияни олдини олиш ва қизиқарли образлар яратиш учун ёрқинлик ва ранг-барангликни унутмаслик керак.
Кўк ва мовий ранг
Жуда ҳам ўхшаш бўлгани сабаб мазкур ранглар бир-бири билан яхши уйғун бўла олади. Тўқ кўк ранг энг яхши базавий ранглардан бири бўлса, унга мовий ранг қўшилиб, ўзига хос урғу беради. Бундан комбинация исталган образ ҳатто офисга кийиш учун ҳам энг мақбул вариант.
Қора ва оловранг
Кузда кийиш учун тавсия қилинадиган оловранг либос билан қора ранг умумлашган образни кундалик ёки алоҳида тадбир ёки учрашувларга ҳам кийиш мумкин. Оловранг устки кийим ёки аксессуар юз рангини чиройли кўрсатади. Мазкур образда қора ранг базавий бўлгани яхши.
Пушти ва сиёҳранг
Ёрқин пушти ва сокин тусли сиёҳранг умумлашмаси атрофдагилар эътиборидан четда қолмаслиги аниқ. Образнинг янада қизиқарли чиқиши учун бичими ноодатий бўлган кийим-кечакларни танлаш уни учли ботилён ёки туфли билан мослаш ҳамда «алламбало» сумкадан аксессуар сифатида фойдаланиш тавсия қилинади.
Кул ранг ва сиёҳранг
Кузда базавий рангдаги либосларга ёрқин аксессуар ёки бошқа деталь қўшган яхши. Масалан, кул ранг образга сиёҳранг ёрқин сумка ёки шарф қўшилиши нафақат эсда қоларли кийиниш, балки қиммат кўринишга эга бўлишга ҳам сабабчи бўлади.
Лаванда ва феруза ранг
Лаванда рангидаги либослар мазкур мавсум трендларидан бири ҳисобланади.Унинг ўзини ёки бошқа ранг билан мослаш орқали кайфият кўтарадиган кийинишга эга бўлиш мумкин. Street style ихлосмандлари мазкур рангни ёрқин феруза ранги билан мослашни тавсия қилади.
Қора ва сариқ
Иссиқ кун ва ҳароратни соғинганлар гардеробига сариқ рангни қўшиш тавсия қилинади. Сариқ рангдаги трикотаж матодан тикилган кийим-кечакни жиддий услубдаги пиджак ёки атлас матосидан тикилган сариқ либосни чарм қора куртка ёки тренч билан мослаш мумкин.
Кўк ва сариқ
Мазкур ранглар умумлаштирган ҳолда замонавий ва ўзига хос кийиниш мумкин. Тўқ базавий образга сариқ ёрқинлик бахш этади ва кундалик танлов учун айни муддао ҳисобланди.
Оч жигарранг ва оч пушти
Кузнинг кул ранг манзарали кунлари учун мазкур комбинация яхши вариант ҳисобланади. Бундай образни ҳеч иккиланмасдан махсус учрашув ва кундалик иш ёки ўқишга борса бўлади.
Кул ранг ва неон
Кул ранг зерикарли образни қизиқарлироқ қилишнинг яна бир усули унга ёрқин яшил неон рангли деталь — камар, кўзойнак, пойабзал ёки сумка қўшиш ҳисобланади.
Изоҳ (0)