Экология ва атроф-муҳитни муҳофаза қилиш соҳасида йил бошидан ҳозиргача 37 минг 543 та қонунбузарлик ҳолатлари аниқланган

Давлат экология қўмитаси ахборот хизмати хабар беришича, 2020 йил бошидан ҳозирги кунгача экология ва атроф-муҳитни муҳофаза қилиш соҳасида 37 минг 543 та қонун бузилиш ҳолатлари бўлган. Ҳуқуқбузарларга нисбатан маъмурий чоралар қўлланилган ва 16 миллиард 800 миллион сўм ундирилган.Ҳуқуқбузарларнинг 1 минг 457 та ҳолати бўйича 11 миллиард 788 миллион сўм жарима ва табиатга етказилган зарарни ундириш мақсадида тўпланган ҳужжатлар тегишли органларга киритилди. 60 мингдан ортиқ корхона ва фуқароларга соҳага оид профилактика тадбирлари ўтказилди.Бундан ташқари, 22 та ҳолат бўйича 8 миллард 810 миллион сўмлик даъво ишлар юзасидан қонунбузарлик содир этган шахслар жиноий жавобгарликка тортилиши бўйича иш қўзғатилган.Ҳуқуқбузарлардан 337 дона ҳайвон ва парранда, 1 тонна 380 килограм балиқ, 49 тонна доривор ва озиқ-овқатбоп ўсимликлар, 91 та ов қуроллари, 95 та аслаҳалар, 1290 та тўр, 46 та электр қармоқ, 141 та электр арра, болта ва бошқа инвентарлар олиб қўйилган, шундан 70 та ов қуроли ҳуқуқни муҳофаза қилиш органларига топширилган, 34 та ов қуроли ва аслаҳалар, 23 та инвентарлар мусодара қилинган. Профилактика натижасида 17 та ов қуроли қайтариб берилган.