Ekologiya va atrof-muhitni muhofaza qilish sohasida yil boshidan hozirgacha 37 ming 543 ta qonunbuzarlik holatlari aniqlangan

Davlat ekologiya qo‘mitasi axborot xizmati xabar berishicha, 2020-yil boshidan hozirgi kungacha ekologiya va atrof-muhitni muhofaza qilish sohasida 37 ming 543 ta qonun buzilish holatlari bo‘lgan. Huquqbuzarlarga nisbatan ma’muriy choralar qo‘llanilgan va 16 milliard 800 million so‘m undirilgan.Huquqbuzarlarning 1 ming 457 ta holati bo‘yicha 11 milliard 788 million so‘m jarima va tabiatga yetkazilgan zararni undirish maqsadida to‘plangan hujjatlar tegishli organlarga kiritildi. 60 mingdan ortiq korxona va fuqarolarga sohaga oid profilaktika tadbirlari o‘tkazildi.Bundan tashqari, 22 ta holat bo‘yicha 8 millard 810 million so‘mlik da’vo ishlar yuzasidan qonunbuzarlik sodir etgan shaxslar jinoiy javobgarlikka tortilishi bo‘yicha ish qo‘zg‘atilgan.Huquqbuzarlardan 337 dona hayvon va parranda, 1 tonna 380 kilogram baliq, 49 tonna dorivor va oziq-ovqatbop o‘simliklar, 91 ta ov qurollari, 95 ta aslahalar, 1290 ta to‘r, 46 ta elektr qarmoq, 141 ta elektr arra, bolta va boshqa inventarlar olib qo‘yilgan, shundan 70 ta ov quroli huquqni muhofaza qilish organlariga topshirilgan, 34 ta ov quroli va aslahalar, 23 ta inventarlar musodara qilingan. Profilaktika natijasida 17 ta ov quroli qaytarib berilgan.