Сирдарё вилояти Ховос туманида яшовчи эркак оилали бўла туриб, бошқа аёл билан ишқий муносабатда бўлаётган вақтда юрак хуружидан вафот этди, дея хабар бермоқда Жиноят иши бўйича туман суди.
Маълум қилинишича, Ховос туманида яшовчи Б. Алиева (ўзгартирилган) ўзининг жазмани А. Зарипов (ўзгартирилган) билан соат 19:00 ларда ўзининг ётоқхонасида ишқий муносабатда бўлаётган вақтида А. З. юрак хуружи туфайли хушидан кетган.
Сўнгра Б. Алиева А. Зарипов билан ишқий муносабатини яшириш мақсадида ва шарманда бўлишдан қўрқиб, А. Зариповни ҳаёти ёки соғлиғи хавф остида қолганлигини англаган ҳолда, унга малакали тиббий ёрдам кўрсатилиши учун тез ёрдам бўлимига хабар бериш имкониятига эга бўлса-да, А. Зариповни хушидан кетганлиги ҳақида тез тиббий ёрдам бўлимига хабар бермаган.
А. Зариповни шу куни соат 24:00 га қадар ётоқхонада сақлаб, унинг биологик ўлимини билиб, ҳовлисида бўлган эшакаравага унинг мурдасини ортган. Кейин кўчада ҳеч ким йўқлигидан фойдаланиб, даладаги йўлининг четига олиб бориб, ташлаб келган.
Суд мазкур жиноят ишини мазмунан кўриб чиқиб, Б. Алиевани Жиноят кодексининг 117-моддаси 2-қисмида (одам ўлишига сабаб бўлган хавф остида қолдириш) назарда тутилган жиноятни содир этганликда айбдор деб топиб, унга қонунда белгиланган чорани қўллади.
Мавзуга доир:
- Андижонда ҳомиладор аёл калтаклангани ҳақида хабар тарқалди. Вилоят ИИБ эса воқеа бошқача бўлганини маълум қилди
- Самарқандда шаръий никоҳдаги аёлини рашк қилиб, унга пичоқ билан жароҳат етказган шахс 6 йилга озодликдан маҳрум этилди
- Сирдарёда биргаликда спиртли ичимлик ичган норасмий эр-хотин ўртасидаги жанжал аёлнинг ўлими билан тугади
Изоҳ (0)