Коррупцияга қарши курашиш агентлиги директори Акмал Бурҳонов қамоқда сақланаётган Тошкент вилояти бош инфекционист шифокори Гулжаҳон Йўлдошева иши бўйича ўз муносабатини билдирди. Бу ҳақда «Kun.uz» хабар қилмоқда.
Йўлдошева унга нисбатан қўзғатилган жиноят иши доирасида эҳтиёт чораси сифатида қамоққа олинганди. Қамоқ эҳтиёт чораси танланишига унинг терговдан яширингани ва расмий ҳужжатларни нобуд қилишга урингани сабаб қилиб кўрсатилган.
Акмал Бурҳоновнинг айтишича, жуда кўплаб беморлар шифохоналарда вафот этмоқда, бу борада кўплаб мурожаатлар тушмоқда.
«Агар ҳақиқатан бу жиноий иш фуқаронинг ўлимига сабаб бўлганлиги юзасидан қўзғатилган бўлса, бошқа ҳудуд ва шифохоналарда ҳам мурожаатлар асосида келиб тушган ўлим ҳолатлари ўрганилиши керак. Унда ҳам жиноят-процессуал ҳаракат олиб бориш мақсадга мувофиқ бўлади», — дейди Бурҳонов.
Эслатиб ўтамиз, Тошкент вилояти юқумли касалликлар шифохонаси бош шифокори Гулжаҳон Йўлдошева қарийб бир ойдан буён ҳибсда эди. Ҳолатга сабаб бўлган нарса эса шифокор Г.Йўлдошеванинг «Kun.uz» сайтига берган интервьюси, шифохонаси дучор бўлган муаммоларни гапириб бергани бўлди.
Йўлдошева унга нисбатан қўзғатилган жиноят иши доирасида эҳтиёт чораси сифатида қамоққа олинганди. Қамоқ эҳтиёт чораси танланишига унинг терговдан яширингани ва расмий ҳужжатларни нобуд қилишга урингани сабаб қилиб кўрсатилган.
Гулжаҳон Йўлдошева иши бўйича Олий Мажлис Сенати раиси Танзила Норбоева ўз муносабатини билдириб, аёл суд қарори чиқмагунча уйда сақланиши мумкин эканлигини таъкидлаган.
Кейинроқ Саида Мирзиёева Тошкент вилоятининг прокуратурасидан Гулжаҳон Йўлдошевани қамоққа олиш ҳақидаги қарорни қайта кўриб чиқишни сўради. Ушбу мурожаатдан сўнг Гулжаҳон Йўлдошева уй қамоғига ўтказилди.
Изоҳ (0)