Sirdaryo viloyati Xovos tumanida yashovchi erkak oilali bo‘la turib, boshqa ayol bilan ishqiy munosabatda bo‘layotgan vaqtda yurak xurujidan vafot etdi, deya xabar bermoqda Jinoyat ishi bo‘yicha tuman sudi.
Ma’lum qilinishicha, Xovos tumanida yashovchi B. Aliyeva (o‘zgartirilgan) o‘zining jazmani A. Zaripov (o‘zgartirilgan) bilan soat 19:00 larda o‘zining yotoqxonasida ishqiy munosabatda bo‘layotgan vaqtida A. Z. yurak xuruji tufayli xushidan ketgan.
So‘ngra B. Aliyeva A. Zaripov bilan ishqiy munosabatini yashirish maqsadida va sharmanda bo‘lishdan qo‘rqib, A. Zaripovni hayoti yoki sog‘lig‘i xavf ostida qolganligini anglagan holda, unga malakali tibbiy yordam ko‘rsatilishi uchun tez yordam bo‘limiga xabar berish imkoniyatiga ega bo‘lsa-da, A. Zaripovni xushidan ketganligi haqida tez tibbiy yordam bo‘limiga xabar bermagan.
A. Zaripovni shu kuni soat 24:00 ga qadar yotoqxonada saqlab, uning biologik o‘limini bilib, hovlisida bo‘lgan eshakaravaga uning murdasini ortgan. Keyin ko‘chada hech kim yo‘qligidan foydalanib, daladagi yo‘lining chetiga olib borib, tashlab kelgan.
Sud mazkur jinoyat ishini mazmunan ko‘rib chiqib, B. Aliyevani Jinoyat kodeksining 117-moddasi 2-qismida (odam o‘lishiga sabab bo‘lgan xavf ostida qoldirish) nazarda tutilgan jinoyatni sodir etganlikda aybdor deb topib, unga qonunda belgilangan chorani qo‘lladi.
Mavzuga doir:
- Andijonda homilador ayol kaltaklangani haqida xabar tarqaldi. Viloyat IIB esa voqea boshqacha bo‘lganini ma’lum qildi
- Samarqandda shar’iy nikohdagi ayolini rashk qilib, unga pichoq bilan jarohat yetkazgan shaxs 6 yilga ozodlikdan mahrum etildi
- Sirdaryoda birgalikda spirtli ichimlik ichgan norasmiy er-xotin o‘rtasidagi janjal ayolning o‘limi bilan tugadi
Izoh (0)