Украинада 2 октябрь давомида 4661 кишида коронавирус аниқланган. Бу билан мамлакатда кетма-кет тўртинчи кун рекорд даражада коронавирусга чалиниш ҳолати қайд этилди. Бу ҳақда «Корреспондент» хабар қилди.
Кун давомида 92 нафар украиналик коронавирус оқибатида вафот этди. Бу касаллик қурбонлари сони мамлакатда жами 4353 кишини ташкил қилмоқда.
Қайд этилишича, Украинада 1 октябрь куни 4633 та коронавирусга чалиниш ҳолати аниқланган.
Жонс Ҳопкинс маълумотларига кўра, мамлакатда ҳаммаси бўлиб 222 322 кишида касаллик тасдиқланган. Уларнинг 98 737 нафари касалликдан фориғ бўлган.
Жаҳон соғлиқни сақлаш ташкилоти Украинада кунлик касалланиш кўрсаткичи келгуси ойларда икки баравар кўпайишини ва кунига 7000 дан 9000 тагача ўсишини тахмин қилмоқда.
Аввалроқ Зеленский Украинада коронавируснинг иккинчи тўлқини кетаётганини маълум қилганди.
Эслатиб ўтамиз, Канада, Чехия, Австрия ва Грузияда ҳам коронавируснинг иккинчи тўлқини бошлангани ҳақида хабар берилган эди. Буюк Британияда COVID-19 билан боғлиқ вазият баҳордаги кўрсаткичга қайтмоқда. Бир ойдан бери туристлар учун очиқ бўлган Туркияда коронавирус тарқалиши яна авж олди. Исроил эса «герметик» карантин жорий қилди.
Изоҳ (0)