Аляскада энг семиз айиқни танлаб олиш режалаштирилмоқда. Бу ҳақда Travel and Leisure хабар берди, деб ёзади «РИА Новости».
Қайд қилинишича, ҳар йили бўлиб ўтадиган энг семиз айиқ учун овоз бериш жараёнининг бу йилгиси 30 сентябрдан 6 октябргача давом этади.
Иштирокчилар Катмай қўриқхонасида суратга олинган ҳайвонлар суратини жойлайди, қолганлар эса қайси ҳайвон қишга энг кўп тайёрланганига овоз беради.
«Қишки уйқу вақтида айиқлар овқатланмагани сабаб вазнининг учдан бир қисмини йўқотади. Уларнинг совуқ фаслда яшаб қолиши, инига кириб уйқуга кетишдан аввал, қанчалик ёғ йиғганига боғлиқ бўлади», — дейди акция ташкилотчилари.
2019 йилда ҳам мазкур акция ўтказилган ва унда Холли лақабли айиқ энг бақувват деб топилган.
Изоҳ (0)