Франциянинг Париж шаҳрида истиқомат қилувчи аёл ичида 500 минг евро миқдорида пул бўлган чамадон топиб олгани тўғрисида полицияга хабар берди, деб ёзади «Korrespondent.net».
Марс майдони яқинидаги туманларнинг бирида уй ертўласидан ичида пули бўлган чамадон топилган. Ушбу уй 55 ёшли Аннага онасидан мерос қолган эди. 2020 йилнинг август ойида аёл мерос қолган уйни сотиш учун риэлторга мурожаат қилди ва шундагина ертўла ҳақида савол туғилди.
Маълумотга кўра, ертўла бошқа инсонга тегишли бўлиб, занжир билан қулфланган, аммо ҳужжатларга кўра, у мерос бўлиб ўтган кўчмас мулк рўйхатига киритилган.
Аёл номаълум қўшнига хат қолдирди, лекин орадан бир ой ўтиб ҳам жавоб бўлмагач, у чилангарни чақирди. 2020 йил 28 сентябрда ертўла очилди ва у ердан топилган чамадон ичидан 100, 50, ва 10 миқдордаги евро билан тўлдирилган, жами 500 минг евродан ортиқ пул борлиги маълум бўлди.
Аёл дарҳол полиция чақирган ва топилган пулни расмийлаштирувчи молиявий тергов гуруҳи аъзоларига топширган. Афтидан, топилма қандайдир жиноят билан боғлиқ ва уни топган аёлга етиб бориши даргумон.
Изоҳ (0)