Кристина ва Питер 2020 йил 26 сентябрь куни пандемия даврида Сиднейда турмуш қурди. Уларнинг таъсирли суратларини жуфтликнинг сураткаши Брендан Самюэлс ўз Facebook саҳифасига жойлаштирди.
Сиднейлик Брендан Самюэлс 2020 йил 26 сентябрь куни Кристина ва Питернинг никоҳ маросимида иштирок этди. Шунингдек, уларнинг никоҳ тўйи муносабати билан кадр ортидаги воқеалар билан бўлишди.
COVID-19 чекловлари туфайли набирасининг тўйига боришга рухсат берилмаган бобо ва буви яшаб турган қариялар уйида ажойиб воқеа содир бўлди. Келин-куёв никоҳ маросимидан сўнг улар яшайдиган қариялар уйига ташриф буюргани тасвирга олинди. Бундай кутилмаган учрашувни келин турмуш ўртоғига совға сифатида уюштирди.
Келин-куёвга қариялар уйидаги бобо ва бувисини фақатгина ойна ортидан кўришга рухсат берилди. Бобо набирасининг никоҳ тўйи куни костюм-шим кийиб олган. Буви эса келин-куёвни табриклаш учун қизил конвертда совға тайёрлаган.
Пандемия ҳақиқати шундан иборатки, унда кундалик ҳаётдаги ноқулайликлардан ташқари инсонларга яшаш учун курашни ҳам ўргатади.
Кристинанинг «қариялар уйига ташриф» совғаси ва кўз ёшларга берилиши ҳаммани ҳайратда қолдирди.
«Келин-куёвни кўриб, суюнган бобо дуо қила бошлади, уларнинг шиша девор ортида нима деганини эшитиб бўлмаса ҳам Брендан дуонинг ижобат бўлишига ишонар эди».
Хитой ва бошқа Осиё мамлакатларида қизил конверт байрамда, тўйда, битирув ёки чақалоқ туғилиши каби махсус кунларда совға қилинади.
Учрашувнинг энг ачинарли томони, бобо ва бувининг ўз хоналарига қайтиб кетаётган пайтда рўй берди.
«Мен Питерга, унинг бобоси ва бувисига ҳамдард бўлдим. Бир-икки лаҳзада кўз ёшларимни артиб, аслида суратга олиш учун келганимни унутиб қўйдим… Ҳаёт қачон аввалгидек ўз ҳолига қайтади? – дейди сураткаш. – Сизлардан бир нарсани илтимос қилсам майлими, уйда ёши улуғ бобо ва бувингиз бўлса, улар билан суҳбатлашишни кўпайтиринг. Сабаби улар билан қайта суҳбатлашиш кафолати йўқ, нима бўлганда ҳам улар учун сабр қилинг».
Шунингдек, Брендан соғлиқни сақлаш учун олд қаторда турган тиббиёт ходимларига ўз миннатдорлигини билдирди ва уларнинг меҳнатини олқишлади.
Янги Жанубий Уэльсда қариялар уйида яшовчиларни кўришга ташриф буюрувчилар билан ўтказиладиган вақт чекланган. Бир вақтнинг ўзида фақат икки меҳмонни қабул қилишлари мумкин.
Изоҳ (0)