Иқтисодий тадқиқотлар ва ислоҳотлар маркази (ИТИМ) раҳбари Обид Ҳакимовнинг фикрига кўра, олий маълумотли одамлар камбағаллик чегараси остида қолиш эҳтимоли камроқ. ИТИМ раҳбари Ўзбекистондаги камбағалларнинг 7 фоизининг дипломлари борлигини маълум қилди, деб хабар беради «Review.uz».
Фото: «Дарё»
«Ўзбекистондаги камбағалларнинг етти фоизи дипломга эга одамлар ҳисобланади. Бу шуни англатадики, Ўзбекистондаги дипломга эга бўлган одам камбағаллик чегараси остига тушиши эҳтимолдан йироқ эмас», – дея таъкидлади Обид Ҳакимов.
Таъкидланишича, камбағалларнинг таълимига сармоя киритиш учун зарур бўлган билим ва кўникмаларнинг етишмаслигини ҳал этиш ривожланишнинг асосий омилидир.
Обид Ҳакимов ижтимоий ҳимоя тизими камбағалликни камайтиришнинг энг муҳим йўналиши деб ҳисоблайди. ЮНИСЕФнинг тадқиқотларига асосланиб маълум қилишича, сўнгги уч йил ичида Ўзбекистонда шаклланган ижтимоий ҳимоя тизими сабаб камбағалликни 39 фоизга камайтиришга муваффақ бўлинган.
«Жаҳон банки ҳар ойда аҳолининг даромадларига қараб камбағаллик даражасини баҳолайди. 2018 йилда Ўзбекистонда камбағаллик даражаси 11,4 фоизни ташкил этган бўлса, 2020 йилда у 7,8 фоизга тушиши керак эди. Бироқ пандемия сабабли яна 450 минг киши Ўзбекистонда камбағаллик даражасига тушиши мумкин», – деди марказ директори.
Шу билан бирга, иқтисодий прогнозларга кўра, 2021 йилда ушбу кўрсаткич 6,2 фоизга пасайиши кутилмоқда.
Шунингдек, тадқиқотлар натижасида ИТИМ қуйидагиларни аниқлади:
- кам таъминланган оила ўртача 7 кишидан иборат;
- кам таъминланган оила бошлиғининг ўртача ёши 50 ёшдан ошган ва олий маълумотга эга эмас;
- кам таъминланган оилаларда 11 фоиз оила бошлиғи ишсиз;
- оилаларнинг 93 фоизи олий маълумотга эга эмас, атиги 24 фоизи махсус ўрта маълумотга эга;
- кам таъминланган оиланинг 43 фоизи доимий иш жойига эга эмас, 11 фоизи эса ишсиз деб ҳисобланади.
Шунингдек, кам таъминланган оилаларнинг:
- 93 фоизи марказий иситиш тизимига уланмаган;
- 96 фоизи марказий канализация тизимидан фойдалана олмайди;
- 66 фоизи марказий сув таъминотига уланмаган.
