Фарғона шаҳрида бир кишини Россиядан иш топиб бериш ва у ерга жўнатиш билан алдаб, мазкур фуқаронинг 900 долларини ўзлаштирган шахсга нисбатан жиноят иши очилди. Бу ҳақда Фарғона вилояти ИИБ ахборот хизмати хабар берди.
Маълум қилинишича, 2020 йилнинг 28 май куни фуқаро Ш.С. Фарғона шаҳри марказида жойлашган ошхона олдида фуқаро А.У.нинг ишончига кириб, 900 доллар эвазига Россиядан иш топиб бериши ва у ерга жўнатишини айтган. Ш.С. пулларни олган, бироқ берган ваъдасини бажармасдан, алдов йўли билан қўлга киритган пулларни ўз эҳтиёжларига сарфлаб юборган.
Мазкур ҳолат юзасидан Фарғона шаҳар ИИБ томонидан Жиноят кодексининг 168-моддаси 1-қисми (фирибгарлик) билан жиноят иши қўзғатилиб, тергов ҳаракатлари олиб борилмоқда.
Маълумот учун, мазкур жиноятни содир этган шахс уч йилгача озодликдан маҳрум қилиш билан жазоланиши мумкин.
Мавзуга доир:
Изоҳ (0)