Айни кунларда Тожикистонда ижодий сафарда юрган бир гуруҳ ўзбекистонлик ОАV вакиллари Тожикистон телевидениесига ташриф буюриб, унинг фаолияти билан яқиндан танишди.
«Дарё» мухбири Мадина Нурман нафақат телевидение, балки тожик ҳамкасбларининг иккита: рус тилидаги «Поговорим» ток-шоуси ҳамда ўзбек тилида эфирга узатиладиган «Масири дўстий» кўрсатувининг суратга олиш жараёнидан ҳам фоторепортаж тайёрлади.
«Ўзбек ва тожик халқлари икки тилда сўзлашувчи бир халқ, дейилиши бежиз эмас, албатта. Ўзингиз бир қаранг, студияда ҳар икки миллат вакиллари ўтирибди. Аммо ким уларни юз тузилишидан тожик ва ўзбекка ажратиб бера олади?
Бизнинг урф-одатларимиз ҳам, санъат ва маданиятимиз ҳам бир хил. Умид қиламанки, журналистика соҳасидаги ҳамкорлигимиз ҳам янада ривожланади. Келажакда телекўприклар ўрнатиш ва биргаликда кўрсатувлар тайёрлаш насиб қилсин», деди «Поговорим» ток-шоуси бошловчиси Насиба Ғуломова.
Изоҳ (0)