«Реал» ярим ҳимоячиси Тони Кроос Ла Лига 3-тури доирасида «Бетис»га қарши кечган ўйинда (3:2) жароҳат олди.

Фото: Getty Images

Футболчи учрашувнинг биринчи бўлими охирида жароҳат сабаб захирага олинганди. Маълум бўлишича, германиялик Тони бўкса мушакларини шикастлаб олган.

Кроос мазкур жароҳат туфайли 10—14 кун давомида майдонга туша олмаслиги тахмин қилинмоқда. Шу тариқа футболчи Германия терма жамоасининг Миллатлар Лигасидан ўрин олган октябрь ойидаги ўйинларини ўтказиб юборади.

Айни дамда мадридликлар лазаретида Марсело, Мариано Диас, Эдер Милитао ва Марко Асенсио каби футболчилар жароҳатини тикламоқда. Эден Азар эса ўтган ҳафтада жамоавий машғулотларга киришган.

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!