«Лестер» клуби ҳужумчиси Жейми Варди Англия Премьер Лигасининг 3-туридан ўрин олган «Манчестер Сити»га қарши учрашувда (5:2) ҳет-трик қайд этди.
Шу тариқа Варди иккинчи бор Пеп Гвардиола «Манчестер Сити»сига қарши кечган бир ўйинда учта гол урди. Бунгача у 2016 йилда ҳам шундай натижага эришганди.
Opta’нинг ёзишича, Вардидан ташқари, фақат Месси бир ўйинда Гвардиола жамоасига учта гол ура олган (2016 йилда Чемпионлар Лигаси доирасида ўтказилган ўйинда).
Маълумот учун, Варди АПЛнинг 2020/21 йилги мавсумида 3 та ўйин ўтказиб, 5 та гол урди.
Изоҳ (0)