Профессионал бокснинг супер ярим ўрта (-69,85 кг) вазн тоифасида WBA, IBF ва WBC камарларини бирлаштирадиган чемпионлик жанги Тошкент вақти билан 27 сентябрь, якшанба куни ўтказилди.
Унда WBC камари соҳиби Жермелл Чарло (34-1, 18 КО) ушбу вазнда WBA Super ва IBF камарлари соҳиби Хейсон Росарио (20-2-1, 14 КО) ўзаро тўқнаш келди. Жанг Росарионинг микро-нокдаунга тушиш ҳолати билан бошланди. 6-раундга келиб Чарло катта устунликка эга бўлиб олганди. 7-раунд эса тенг курашлар остида кечди. Бироқ 8-раундда Чарлонинг Росарио танасига берган жеб зарбаси ҳаммасини ҳал қилди. Росарио нокаут ҳолатига тушиб қолди.
Шу тариқа Чарло супер ярим ўрта вазн тоифасида учта чемпионлик камарига эга бўлди. Қайд этиш жоиз, ушбу вазн тоифасида ўзбекистонлик Исроил Мадримов (6-0, 5 КО) ҳам жанг қилади. У айни дамда WBA йўналишида мажбурий даъвогар бўлиб турибди.
Эслатиб ўтамиз, Мадримов ўзининг проф боксдаги сўнгги жангини 16 август куни Эрик Уокерга қарши ўтказиб, унда ғалаба қозонганди.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)