Озарбайжон президенти Илҳом Алиев Қорабоғ можароси кескинлашгани туфайли мамлакатда қисман сафарбарлик бошланганини эълон қилди, деб хабар бермоқда Meduza Sputnik Озарбайжонга таяниб.
Нашр таянган Алиев фармойишига кўра, Озарбайжонни сафарбар қилиш ва ҳарбий хизматга чақириш бўйича давлат хизмати «тасдиқланган режага мувофиқ ҳарбий хизматчилар чақирилишини таъминлаши» керак. Фармойиш 28 сентябрдан кучга киради.
27 сентябрь куни тонгида Тоғли Қорабоғда Арманистон ва Озарбайжон ўртасидаги ҳарбий низо қайтадан бошланди. Ҳар иккала мамлакатда ҳарбий ҳолат эълон қилинган.
Ҳарбий ҳолат туфайли Боку аэропорти 30 сентябрга қадар Боку-Нахчиван-Боку йўналиши бўйича «Озарбайжон ҳаво йўллари» (Azal)нинг барча рейсларини тўхтатган.
Бундан ташқари, Azal Боку—Лондон—Боку 1 октябрь рейси, Боку—Берлин—Боку 2 октябрь рейси бекор қилинган. FlyDubai, «Аэрофлот», «Белавиа» 29 сентябрдан 4 октябргача рейсларини бекор қилган.
Мавзуга доир:
- Арманистон ва Озарбайжон Қорабоғда юзлаб ҳарбийлар ҳалок бўлганини маълум қилди. Жанглар қайтадан бошланди
- Тоғли Қорабоғда яна жанг. Озарбайжон бир неча қишлоқ босиб олинганини маълум қилди, Арманистон эса ҳарбий ҳолат ва умуммиллий сафарбарлик эълон қилди
- Арманистон бош вазири жаҳон ҳамжамиятидан Туркиянинг Қорабоғ ишига аралашувига йўл қўймасликни сўради
- Ўзбекистон ТИВ Озарбайжон ҳамда Арманистон ўртасидаги вазият кескинлашувига муносабат билдирди
Изоҳ (0)