Зинедин Зидан: Ҳакамлар ишини муҳокама қилмайман

Мадриднинг «Реал» клуби бош мураббийи Зинедин Зидан Ла Лиганинг 3-туридан ўрин олган «Бетис»га қарши ўйиндан (3:2) сўнг ўз фикрлари билан ўртоқлашди.

Биз бундан-да яхшироқ ўйнашимиз мумкинлигини биламиз ва буни қиламиз ҳам. Учрашувни яхши бошладик, аммо голдан сўнг бироз секинлашдик. Олдинга чиқишга ва ўйин натижасини ҳал қилишга уринаётганимизда яхшироқ ўйнаймиз.

Рақиб дарҳол голларимизга жавоб қайтарди, аммо иккинчи бўлимда биз яхши ҳаракат қилдик ва футболчилар сўнгги паллагача ғалабага ишонди.

Ютқазаётганингизда учрашувнинг боришини ўзгартириш қийин, бу эса жуда муҳимдир. Бизда жуда кўп имкониятлар бўлди, бироқ улардан учтасинигина голга айлантира олдик, холос. Мен футболчиларим билан фахрланаман. Шу руҳда давом этишимиз зарур.

Ҳакамлик учун бош арбитр жавобгардир, у бу масалаларда бошлиқ ҳисобланади. Мен ҳакамларнинг ишига ҳеч қачон изоҳ бермаганман ва бугун ҳам бундай қилмоқчи эмасман.

Дастлабки икки учрашувда ғалаба қозонган рақибга қарши яхши тайёргарлик кўргандик. Биз учун бу қийин бўлди, аммо керакли натижага эришганимиздан хурсандман.

Куртуанинг сейвлари натижага ҳал қилувчи таъсир кўрсатди ва бу биринчи марта содир бўлаётгани йўқ. Биз унинг нималарга қодирлигини биламиз, унинг ўйинидан мамнунман.

Менда мавжуд бўлган таркибдан мамнунман. Мавсумни яхши ўтказишга ҳаракат қиламиз.

Зинедин Зидан, «Реал» бош мураббийи