Осиё Чемпионлар Лигасининг 1/8 финалидан ўрин олган «Пахтакор» — «Иқтиқлол» учрашувидан (2:1) кейин тошкентликлар клуби ёрдамчи мураббийи Питер Ҳюистра ва беллашувнинг энг яхши футболчиси Драган Черан матбуот анжуманида қатнашди.
Ғалабадан жуда ҳам хурсандмиз. Биз буни хоҳлагандик ва бунга эришдик. Биринчи бўлиб гол қўйиб юбордик, бу бизни бироз қийнаб қўйди. Кейинчалик тўп киритиб вазиятни ўнглашни уддаладик ва камбэкка эришдик. Энди кейинги учрашувга тайёрланишимиз керак. Ўз минтақамизнинг энг кучли 4 жамоаси сафига кирдик ва чорак финалга чиқдик. Буни «Пахтакор» учун ҳам, ўзбек футболи учун ҳам катта муваффақият деб ўйлайман.«Истиқлол» айнан бизга қарши бошқа ўйинлардан кўра тажовузкорроқ ўйнади. Бу майдонда кўринди, шу билан бирга улар жуда яхши ўйнаганини ҳам айтиб ўтмоқчиман. Учрашувга киришиб кетишимизга 10-15 дақиқа керак бўлди, чунки «Истиқлол» тажовузкор ўйини билан бизга қаршилик қилишга, қийинчилик туғдиришга уринди. Уларнинг охиригача курашганини эътироф этиб ўтмоқчиман. Бизда ҳам хатолар бўлди, айрим вазиятларда ҳисобни катталаштириш учун имкониятларимиз бўлди, аммо бизга чиройли якун етишмади. Олдиндаги 4 кундан фойдаланиб кейинги беллашувга яхшироқ тайёрланишга ҳаракат қиламиз. Ўйлашимча, биз бундан ҳам яхшироқ ўйнай оламиз. Бунга мажбурмиз, чунки охирги 4 жамоа орасида қолдик ва қолган учрашувлар янада қийинроқ бўлади. Айнан шу сабаб ҳам ўйинимизни янада яхшилашимиз зарур. Ўз олдимизга қўйган мақсад сари аста-секин боряпмиз, Қатарда кўпроқ ўйин ўтказишни хоҳлаймиз.
Ўйин давомида Элдор Суюновдан кўра мураббийлар кўпроқ асабийроқ бўлди деб ўйлайман. Тўғри, жарима зарбасида Элдор ўзини яхши кўрсата олмагандир. Лекин ундан олдин 7-рақамдаги ўйинчи (Диабате) у билан бирга-бир чиққанида катта сейвни амалга оширди ва жамоамизни қутқариб қолди. Бундан ташқари, бир неча бор тўп жарима майдончамизга ҳаводан ошириб берилганида ишончли ўйнади ва рақиб ҳужумларини йўққа чиқарди. Энг муҳими бизнинг кейинги босқичга ўтганимиз.
Футболчилар жисмоний тарафлама жуда яхши ҳолатда. Олдимиздаги 4 кундан фойдаланиб тезроқ тикланиш ва кейинги ўйинга янада яхшироқ ҳолатда бўлишлари учун тайёргарлик кўрамиз. Бу тарафдан албатта ишлашда давом этишимиз шарт, лекин ўйинчиларнинг ҳолатидан қўрқмаймиз, улар жисмонан яхши ҳолатда.
Питер Ҳюистра, «Пахтакор» бош мураббийи
Драган Черан ҳам ўз фикрлари билан ўртоқлашди.
Мураббийнинг сўзларига қўшиламан. Ғалабадан хурсандмиз ва қониқдик. Биз уч йилдан бери бирга ишлаяпмиз, меҳнат қилиб келяпмиз. Янги тарихни яратяпмиз. Бу муваффақият нафақат клубимиз, балки Ўзбекистон футболи учун ҳам ижобий натижа. Ўйинга келсак, биз тўлиқ ташаббусга эга бўлдик. Ҳисобда ортда бораётиб ғалаба қозондик. Жамоавий характер, бирдамликни таъкидлаб ўтган бўлардим. Муҳим баҳсда ютдик ва бундан бахтиёрмиз.Эслатиб ўтамиз, «Пахтакор»нинг ОЧЛ чорак финалидаги рақиби 28 сентябрь куни ўтказиладиган қуръа натижасида аниқланади.Мен ва Эрен бугун гол уришга эришдик. Бу ерда ҳали тўп киритмагандим. Бу бизнинг ишимиз, бизга ишонч бағишлайди. Лекин бу мусобақа ва унда ким гол уришининг фарқи йўқ. Жамоанинг ғалабаси энг муҳими. Гол урганимдан хурсандман. Эрен билан бирга тўп киритдик, бу жамоа учун яхши натижа олиб келди.
Драган Черан, «Пахтакор» футболчиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)