Футбол бўйича Испания Ла Лигасининг 3-турида «Реал» 26 сентябрь, шанба куни «Бетис» майдонига сафар қилди.
Учрашувнинг 4-дақиқасидаёқ мадридликлар ҳисобни очига эришди: Карим Бенземанинг узатмасидан кейин Федерико Вальверде яқин масофадан дарвозани ишғол қилди.
Бироқ мезбонлар бунга биринчи бўлимда икки гол билан жавоб қайтарди. 35-дақиқада Аисса Манди ҳисобни тенглаштирган бўлса, орадан икки дақиқа ўтиб Вильям Карвалью мезбонларнинг иккинчи голини урди.
Иккинчи бўлимни фаол бошлаган мадридликлар яна тезкор гол уришга муваффақ бўлди: Дани Карвахалнинг қанотдан узатган тўпини Эмерсон Апаресидо ўз дарвозасига жойлаб қўйди.
67-дақиқада майдон эгалари Эмерсоннинг четлатилишидан кейин бир ўйинчи кам бўлиб қолди. Сўнгги ўн дақиқалик бошида ҳакам видеотакрорлардан кейин «Бетис» дарвозаси томон пенальти белгилади. 11 метрлик жарима зарбасини Серхио Рамос аниқ бажарди.
Шу тариқа Зинедин Зидан жамоаси мавсумдаги илк ғалабасини қўлга киритди.
Ла Лига
3-тур баҳслари
26 сентябрь, шанба
«Бетис» — «Реал Мадрид» 2:3
Голлар: 0:1 – 14 Вальверде, 1:1 – 35 Манди, 2:1 – 37 Вильям Карвалью, 2:2 – 48, автогол Эмерсон, 2:3 – 82, пенальти Рамос.«Бетис»: Роблес, Морено, Бартра, Манди, Эмерсон, Хоакин (Тельо, 63), Родригес, Вильям Карвалью, Каналес, Фекир (Морон, 73), Санабрия (Монтойя, 69).
«Реал Мадрид»: Куртуа, Менди, Варан, Карвахаль, Рамос, Эдегор (Иско, 46), Вальверде, Кроос (Модрич, 45), Каземиро, Йович (Майораль, 72), Бензема.
Огоҳлантиришлар: Эмерсон (12), Родригес (40), Карвахаль (42), Модрич (53), Бартра (81), Каналес (84), Манди (90).
Четлатиш: Эмерсон (67).
«Алавес» — «Хетафе» 0:0
«Валенсия» — «Уэска» 1:1
Голлар: 1:0 – 38 Васс, 1:1 – 63 Сиовас.«Элче» — «Реал Сосьедад» 0:3
Голлар: 0:1 – 55 Порту, 0:2 – 77, пенальти Янузай, 0:3 – 90 Лопес.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)