Madridning “Real” klubi bosh murabbiyi Zinedin Zidan La Liganing 3-turidan o‘rin olgan “Betis”ga qarshi o‘yindan (3:2) so‘ng o‘z fikrlari bilan o‘rtoqlashdi.
Biz bundan-da yaxshiroq o‘ynashimiz mumkinligini bilamiz va buni qilamiz ham. Uchrashuvni yaxshi boshladik, ammo goldan so‘ng biroz sekinlashdik. Oldinga chiqishga va o‘yin natijasini hal qilishga urinayotganimizda yaxshiroq o‘ynaymiz.Qayd etish joiz, “Real” mazkur g‘alabadan o‘z ochkolari sonini 4 taga yetkazib, musobaqa jadvalida 5-o‘ringa ko‘tarilib oldi.Raqib darhol gollarimizga javob qaytardi, ammo ikkinchi bo‘limda biz yaxshi harakat qildik va futbolchilar so‘nggi pallagacha g‘alabaga ishondi.
Yutqazayotganingizda uchrashuvning borishini o‘zgartirish qiyin, bu esa juda muhimdir. Bizda juda ko‘p imkoniyatlar bo‘ldi, biroq ulardan uchtasinigina golga aylantira oldik, xolos. Men futbolchilarim bilan faxrlanaman. Shu ruhda davom etishimiz zarur.
Hakamlik uchun bosh arbitr javobgardir, u bu masalalarda boshliq hisoblanadi. Men hakamlarning ishiga hech qachon izoh bermaganman va bugun ham bunday qilmoqchi emasman.
Dastlabki ikki uchrashuvda g‘alaba qozongan raqibga qarshi yaxshi tayyorgarlik ko‘rgandik. Biz uchun bu qiyin bo‘ldi, ammo kerakli natijaga erishganimizdan xursandman.
Kurtuaning seyvlari natijaga hal qiluvchi ta’sir ko‘rsatdi va bu birinchi marta sodir bo‘layotgani yo‘q. Biz uning nimalarga qodirligini bilamiz, uning o‘yinidan mamnunman.
Menda mavjud bo‘lgan tarkibdan mamnunman. Mavsumni yaxshi o‘tkazishga harakat qilamiz.
Zinedin Zidan, “Real” bosh murabbiyi
Mavzuga doir:
Izoh (0)