Тошкент вақти билан 27 сентябрь, якшанба тонгида Абу-Дабидаги (БАА) «Жангчилар ороли»да UFC 253 мусобақасининг асосий жанги ўрта вазн тоифасида чемпион Исраэл Адесаня (20-0) ва даъвогар Пауло Коста(13-1) ўртасида кечди.
Жангнинг биринчи раунди Адесанянинг кичик устунлигида ўтди. Иккинчи раунд аввалидан бошлан Исраэл рақибига кетма-кет зарбалар берди. Шундай зарбаларнинг бири Костани мувозанатдан чиқариб юборди. Партерда эса Адесаня зарбалар кетма-кетлигини амалга оширди. Натижада ҳакам жангни тўхтатди ва техник нокаут қайд этди.
Шу тариқа Адесаня ўз чемпионлик камарини ҳимоя қилди. Коста эса MMA’даги фаолиятида илк бор мағлубиятга учради.
Барча жанглар видеосини бу ерда кўриш мумкин → ҳавола.
UFC 253 мусобақаси натижалари:
- Исраэл Адесаня (20-0) 2-раундда Пауло Костани (13-1) нокаутга учратди;
- Ян Блахович (27-8) 2-раундда Доминик Рейесни (12-2) нокаутга учратди;
- Брендон Ройвел (12-4) 2-раунддаёқ Кай Кара-Францни (21-9) таслим қилди;
- Кетлин Виейра (11-1) очколар эвазига Сижара Юбенксдан (7-5) устун келди;
- Ҳаким Даводу (12-1-1) очколар эвазига Зубайра Тухуговни (19-5-1) таслим этди;
- Бред Ридделл (9-1) Алекс да Сильвани (21-3) очколар эвазига мағлуб этди;
- Жейк Мэттьюз (17-4) Диего Санчесни (31-13) очколар эвазига таслим қилди;
- Людовит Клейн (17-2) 1-раунддаёқ Шейн Янгни (13-5) нокаутга учратди;
- Уильям Найт (9-1) очколар эвазига Алекса Камур (6-1) устидан ғалабага эришди;
- Хуан Эспино (10-1) 1-раунддаёқ Жефф Хьюз (10-4) устидан ғалаба қилди;
- Данило Маркес (10-2) очколар эвазига Ҳадис Ибрагимовни (8-4) мағлуб этди;
Изоҳ (0)