Ўзбекистон Биринчи Президенти Ислом Каримовнинг биринчи ва охирги давлат котиби Раҳим Ражабов 83 ёшида вафот этди. Бу ҳақида Уз24 марҳумнинг оила аъзоларига асосланиб хабар берди. Унинг ўлими сабаби маълум қилинмаган.
23 сентябрь куни ҳам Раҳим Ражабовнинг ўлими ҳақида хабар тарқалган, аммо бу маълумот тасдиқланмаганди.
Маълумот учун, Раҳим Ражабов 1937 йилда Бухоро вилоятида, хизматчи оиласида туғилган. 1960 йилда Тошкент шаҳридаги Ўрта Осиё политехника институтини (ҳозирги Тошкент давлат техника университети) тамомлаган.
Ўз вақтида «Узбекселмаш» ва Тошкент экскаватор заводида раҳбар лавозимларида фаолият кўрсатган, собиқ СССРнинг биринчи компьютери ишлаб чиқарилган «Алгоритм» заводини лойиҳалаш ва қурилиш ишларига бошчилик қилган ва заводни бошқарган.
1990 йилдан 1997 йилгача Ўзбекистон Вазирлар Маҳкамаси раиси ўринбосари, Давлат котиби ва бош вазир ўринбосари лавозимларида ишлаган.
Мавзуга доир:
- Раҳим Ражабов: Халқни гадой қилиш эвазига келган ҳашамат кимга керак? (видео)
- Раҳим Ражабов: Ўзбекистон олтинлари Англия, Швейцария ва ҳатто Америка банкларида ҳам бор
- Ўзбекистоннинг собиқ давлат котиби Раҳим Ражабов: Президентни ёмон дейдиган одам мен бўлишим керак эди
- Биринчи Президентнинг биринчи ва сўнгги давлат котиби Раҳим Ражабов: Ислом Каримов нега халқдан пулини зудлик билан сарфлашни сўраганди?
- Биринчи Президентнинг биринчи ва сўнгги давлат котиби Раҳим Ражабов: Ўзбек сўми қандай дунёга келганди?
Изоҳ (0)