Ўзбекистондан Россиянинг Самара вилоятидаги фуқароларни олиб келиш учун навбатдаги автобуслар юборилди, дея хабар бермоқда Транспорт вазирлиги.
Қайд этилишича, Ўзбекистонга қайтиш истагида бўлган Россиянинг Қозоғистон билан чегараолди ҳудуди – Самара вилоятида тўпланиб қолган фуқароларни ватанга олиб келиш мақсадида 2020 йилнинг 23 сентябрь куни 15 та автобусдан иборат илк карвон Россияга жўнатилган эди. Айни дамда 750 нафар фуқарони олиб қайтаётган ушбу автобуслар режага кўра 27 сентябрь куни Ўзбекистонга кириб келади.
Транспорт вазирлиги ҳузуридаги «Uzautotrans service» корхонаси томонидан 26 сентябрь куни навбатдаги 15 та автобусдан иборат карвон Россиянинг Самара вилояти томон йўлга чиқди.
«Ушбу махсус автобус қатновлари барча санитария қоидалари ва Қозоғистон ҳамда Россия томонидан қўйилган талабларга қатъий амал қилган ҳолда бажарилмоқда», – дейилади вазирлик хабарида.Аввалроқ Ташқи ишлар вазирлиги хориждаги ўзбекистонликларни олиб келиш бўйича чартер рейслар ва поезд қатновлари ҳақида маълумот берганди.
Изоҳ (0)