O‘zbekiston Birinchi Prezidenti Islom Karimovning birinchi va oxirgi davlat kotibi Rahim Rajabov 83 yoshida vafot etdi. Bu haqida Uz24 marhumning oila a’zolariga asoslanib xabar berdi. Uning o‘limi sababi ma’lum qilinmagan.
23-sentabr kuni ham Rahim Rajabovning o‘limi haqida xabar tarqalgan, ammo bu ma’lumot tasdiqlanmagandi.
Ma’lumot uchun, Rahim Rajabov 1937-yilda Buxoro viloyatida, xizmatchi oilasida tug‘ilgan. 1960-yilda Toshkent shahridagi O‘rta Osiyo politexnika institutini (hozirgi Toshkent davlat texnika universiteti) tamomlagan.
O‘z vaqtida “Uzbekselmash” va Toshkent ekskavator zavodida rahbar lavozimlarida faoliyat ko‘rsatgan, sobiq SSSRning birinchi kompyuteri ishlab chiqarilgan “Algoritm” zavodini loyihalash va qurilish ishlariga boshchilik qilgan va zavodni boshqargan.
1990-yildan 1997-yilgacha O‘zbekiston Vazirlar Mahkamasi raisi o‘rinbosari, Davlat kotibi va bosh vazir o‘rinbosari lavozimlarida ishlagan.
Mavzuga doir:
- Rahim Rajabov: Xalqni gadoy qilish evaziga kelgan hashamat kimga kerak? (video)
- Rahim Rajabov: O‘zbekiston oltinlari Angliya, Shveysariya va hatto Amerika banklarida ham bor
- O‘zbekistonning sobiq davlat kotibi Rahim Rajabov: Prezidentni yomon deydigan odam men bo‘lishim kerak edi
- Birinchi Prezidentning birinchi va so‘nggi davlat kotibi Rahim Rajabov: Islom Karimov nega xalqdan pulini zudlik bilan sarflashni so‘ragandi?
- Birinchi Prezidentning birinchi va so‘nggi davlat kotibi Rahim Rajabov: O‘zbek so‘mi qanday dunyoga kelgandi?
Izoh (0)