Тошкент шаҳрида қонунга хилоф равишда 224 000 АҚШ долларига криптовалюта сотган шахс қўлга олинди, дея хабар бермоқда Бош прокуратура ахборот хизмати.
Маълум қилинишича, Бош прокуратура ҳузуридаги департамент ва ДХХнинг Мирзо Улуғбек тумани бўлимлари томонидан тезкор тадбир ўтказилган.
Унда фуқаро Т.Т. ва бошқалар олдиндан тил бириктириб, ноқонуний даромад орттириш мақсадида, лицензия олиниши шарт бўлган фаолият тури билан махсус рухсатнома олмасдан шуғулланиб, бошқа шахсга 1б (биткоин) электрон пул бирлигини 10 463 АҚШ долларидан ҳисоблаб, 20б (биткоин) электрон пул бирлигини ўзининг 7 фоизлик устамаси билан ҳисоблаб жами 224 000 АҚШ долларига сотган вақтида ушланган.
Тадбир якунида Т.Т.дан электрон пул бирликлари сотувидан тушган 402 071 АҚШ доллари ашёвий далил сифатида олинган.
Мазкур ҳолат юзасидан фуқаро Т.Т. ва бошқаларга нисбатан Жиноят кодексининг 177-моддаси 4-қисми (валюта қимматликларини қонунга хилоф равишда олиш ёки ўтказиш) ва 190-моддаси 2-қисми (фаолият билан лицензиясиз шуғулланиш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Тошкентда биткоин савдоси билан ноқонуний шуғулланиб, 3 млн доллар айирбошлаган шахс қўлга олинди
- Ўзбекистонда 2 мингдан ортиқ фуқароларнинг 1,7 млн долларини қўлга киритган крипто-фирибгар мамлакатдан чиқиб кетгани маълум бўлди
- Навоийда қўлбола олтин тангаларни 2250 долларга сотаётган шахслар ушланди
Изоҳ (0)