АҚШнинг собиқ президенти Барак Обама Twitter’да ўзининг телефон рақамини эълон қилди ва америкаликлардан келгуси президентлик сайлови бўйича режалари ҳақида унга SMS хабарлар жўнатишни сўради. Бу ҳақда «РИА Новости» хабар берди.
«Қандайдир янгиликни синаб кўрамиз. Агар сиз Қўшма Штатларда бўлсангиз, менга 773-365-9687 рақамига матнли хабар жўнатинг», — дейилади собиқ президентнинг постида.
Сиёсатчи америкаликлардан унга ўз ишлари, нима ҳақида ўйлаётгани, сайловда қандай овоз беришни режалаштираётгани ҳақида ҳикоя қилишни сўраган.
Обама вақти-вақти билан «алоқада бўлишини» қайд этган ва келгуси сайлов ҳақидаги ўз фикрлари билан ўртоқлашишни ваъда қилган.
АҚШда президентлик сайлови 2020 йилнинг 3 ноябрига режалаштирилган. Бир қатор штатларда муддатидан олдин овоз бериш бошланган. Амалдаги давлат раҳбари Дональд Трамп иккинчи муддат учун демократлардан номзод бўлган Жо Байден билан кураш олиб боради.
Изоҳ (0)