Қозоғистонда COVID-19’га қарши курашда иштирок этган 1,9 мингдан ортиқ тиббиёт ходимига коронавирус инфекцияси ёки вирусли пневмонияга чалингани туфайли Давлат ижтимоий суғурта фондидан бир марталик ижтимоий тўлов тўланди, деб хабар бермоқда Kazinform.
23 сентябрь 09:00 ҳолатига кўра, Давлат ижтимоий суғурта фондидан COVID-19 ёки вирусли пневмония билан касалланган 1 965 нафар тиббиёт ходимига ва касалликдан вафот этган 26 нафар тиббиёт ходимининг оила аъзоларига товон пули тўланган.
Тиббиёт ходимларига COVID-19 ёки вирусли пневмонияга чалиниши туфайли энг кўп товон пули Нур-Султон (502), Олмаота (373), Чимкен шаҳрида (117), Қарағанди (138), Ақмола (107) ва Ғарбий Қозоғистон вилоятларида (115) тўланган.
2020 йил 9 апрель куни Қозоғистон меҳнат ва аҳолини ижтимоий ҳимоя қилиш вазири ва Қозоғистон соғлиқни сақлаш вазири қўшма ҳужжатни имзолаганди. 22 июлдаги «Амалиёт қоидаларини тасдиқлаш тўғрисида»ги қўшма буйруққа киритилган ўзгартиришларга мувофиқ:
- коронавирус инфекцияси ёки вирусли пневмония билан касалланган тиббиёт ходимларига 2 миллион тенге (тахминан 4 751 доллар);
- COVID-19 коронавирус инфекцияси ва вирусли пневмониядан вафот этган тақдирда уларнинг оиласига 10 миллион тенге (тахминан 23 758 доллар) миқдорида товон пули тўланади.
Изоҳ (0)