Россиянинг Тверь вилоятида Су-30 қирувчи самолёти ҳалокатга учради. Дастлабки маълумотларга кўра, самолёт машғулот вақтида тасодифан бошқа қирувчи томонидан уриб туширилган. Бу ҳақда «ТАСС» хабар берди.
«Дастлабки маълумотларга кўра, бахтсиз ҳодисанинг сабаби — Су-30’га машқлар вақтида снаряднинг тасодифан тегиши. Ўқ бошқа ҳаво кемаси томонидан узилган», — дея маълум қилган агентлик манбаси.
Россия Ғарбий ҳарбий округи маълумотларига кўра, самолёт 22 сентябрь куни машқ парвози вақтида қулаган, ҳаво кемаси экипажи катапультадан фойдаланишга улгурган. Учувчиларнинг аҳволи қониқарли.
Аниқланишича, самолёт ўрмон устига қулаган, ҳеч қандай вайроналар юзага келмаган.
Су-30 самолёти 4 ++ авлодига мансуб қирувчи ҳисобланади. У куннинг турли вақтларида ва турли хил метеорологик шароитларда, шунингдек, фаол ва пассив тўсиқлар қўлланилганда, ҳаво майдонини бошқариш ва бошқа мақсадларда ҳаво нишонларини йўқ қилиш учун мўлжалланган.
Аввалроқ Туркияда разведка самолёти қулаши оқибатида етти киши ҳалок бўлганфи.
Изоҳ (0)