Бугун,

  • USD 11095.31
  • RUB 173.84
  • EUR 10772.44

Швеция ҳукумати коронавирус инфекцияси тарқалиши билан боғлиқ вазият ёмонлашаётгани сабабли мамлакат пойтахти Стокгольмда карантин жорий этиш масаласини кўриб чиқмоқда. Бу ҳақда «РИА Новости» хабар берди.

Фото: AFP

Фото: AFP

Швециянинг бош эпидемиологи Андерс Тегнеллнинг маълум қилишича, сўнгги бир неча ҳафта давомида пойтахтда барча ёш гуруҳларида касалликнинг сезиларли даражада ўсиши кузатилмоқда.

Шу сабабли, Швеция ҳукумати вирус тарқалиши суръатини пасайтириш мақсадида карантин чораларини жорий этиш заруриятини муҳокама қилмоқда. Тегнелл эҳтимолий чекловлар тўғрисида батафсил маълумот бермаган.

Эслатиб ўтамиз, Швеция дунёда коронавирусга қарши кураш учун карантин жорий қилмаган кам сонли давлатлардан бири ҳисобланади. Мамлакат бош эпидемиологи Андерс Тегнелл карантиндан воз кечилгани сабабли мамлакатда жуда кўп одам вафот этганини тан олганди ва буни хато деб атаганди. У мамлакат ўз сиёсатини қайта кўриб чиқиши ва кескинроқ карантин чораларини кўриши кераклигини маълум қилган.

Янги Зеландия ҳукуматининг илмий маслаҳатчиси, профессор Майкл Бейкер Швеция ҳукумати COVID-19 касаллигига қарши кураш учун қаттиқ карантин чораларини қўллашдан бош тортганида учта хатога йўл қўйганини маълум қилганди.

Кейинроқ Швеция ҳукумати мамлакатда COVID-19 эпидемиясига қарши амалга оширилган чора-тадбирларни тафтиш қилиш бўйича комиссия тузди.

Бироқ ЖССТнинг махсус вакили доктор Дэвид Набарро Швециянинг коронавирус пандемиясига қарши кураш сифатида юмшоқ чекловларни жорий этиш стратегияси, узоқ муддатли истиқболда бошқа мамлакатлар учун намуна бўлиши лозимлигини таъкидлаган.

Швецияда 2020 йилнинг биринчи ярим йиллигида 51,4 минг нафар одам вафот этган. Бу 1869 йилдан бери ҳали кузатилмаган салбий натижа. 1869 йилнинг дастлабки олти ойида Швецияда 54,4 минг киши вафот этган ва уларнинг ўлимига 1867 йилда бошланган очарчилик сабаб бўлганди.

Айни пайтда Швецияда коронавирус билан касалланиш ҳолатлари сони 88 мингдан ошган, 5,8 мингдан ортиқ киши касаллик оқибатида вафот этган.

Изоҳ
Асосий янгиликлар
Иқтисодиёт
Биржанинг буғдой ва ун бозорларида вазият қандай?
Маҳаллий
“Бу ривожланаётган мамлакат учун табиий ҳол” — Шерзод Муҳамедов Ўзбекистон бюджети нега тақчиллик билан ижро этилаётганига изоҳ берди
Дунё
“Бундай реакция Россия режаларига таъсир ўтказа олмайди”. Кремль Ғарб санкцияларига қарамай, Беларусда ядро қуроли жойлаштирилишини билдирди