Япония 1 октябрдан саёҳат чекловларини юмшатиш ва мамлакатда уч ойдан ортиқ қолишни режалаштирган хорижликларнинг давлат ҳудудида қолишига рухсат бериш масаласини кўриб чиқмоқда. Бу ҳақда Киодо агентлиги хабар берди.
Айни вақтда жами 159 та мамлакат фуқароларининг Япония ҳудудига кириши тақиқлаб қўйилган. Asahi газетасининг ёзишича, расмийлар хорижликларнинг мамлакатга туризмдан ташқари бошқа мақсадлар учун ҳам киришини таъминлаш ҳаракатига тушган.
Ноябрь ойида Япониянинг Токио, Осаку, Фукуоку, Нагоя ва Саппоро каби йирик шаҳарларидаги халқаро аэропортлар кунига 20 минг кишини қабул қилиши мумкинлиги тахмин қилинмоқда.
Мавзуга доир: Ёсихиде Суга Япониянинг янги бош вазирига айланди
Изоҳ (0)