Россияда сўнгги суткада 6431 кишида COVID-19 аниқланди. Бу июль ойи ўрталаридан буён қайд этилган энг юқори кунлик кўрсаткич

Россияда сўнгги суткада 6431 кишида коронавирус аниқланди — бу июль ойи ўрталаридан буён қайд этилган касалланиш бўйича энг юқори кунлик кўрсаткич. Бу ҳақда коронавирус инфекциясига қарши кураш бўйича тезкор штабга таяниб «РБК» хабар берди. Энг кўп касалланиш ҳолати 13 июлда қайд этилган. Шу куни 6537 кишида коронавирус аниқланган.

Сўнгги суткада касалланиш ҳолати мамлакатнинг барча ҳудудларида аниқланган. Уларнинг 1557 нафари (24,2 фоизи)да касалликнинг клиник белгилари кузатилмаган. Касалланиш ҳолатининг суткалик ўсиш сурати 0,6 фоизни ташкил этган.

Тезкор штаб маълумотларига кўра, сўнгги суткада аниқланган касалланиш ҳолатларининг энг кўпи Москва шаҳри (970 киши), Москва (215 киши), Санкт-Петербург (208) ва Ростов (183) вилоятларида қайд этилган.

Россияда пандемия бошланганидан буён 1 122 241 кишида COVID-19 қайд этилган. Уларнинг 19 799 нафари вафот этган, 923 нафардан ортиғи соғайган.

«Роспотребнадзор» маълумотларига кўра, мамлакатда коронавирусни аниқлаш бўйича сўнгги суткада 291 мингта,  умумий ҳисобда эса 43,6 миллионта лаборатория текширувлари ўтказилган.