Америкалик аёл 64 килограммга вазн ташлади ва бундай муваффақият сири билан бўлишди. Бу ҳақда «Korrespondent.net» хабар берди.
Американинг Даллас шаҳрида яшовчи 35 ёшли Шавонда Брикли фармацевтика компаниясида ишлайди. У 28 ёшидаёқ 157 килограмм вазнга эга бўлган. Аёлнинг таъкидлашича, у ҳамиша эҳтиёжларини иккинчи ўринга қўйган ва ўзига ғамхўрлик қилмаган.
Шавонда 2018 йил 33 ёшга тўлиш арафасида ҳаётини тубдан ўзгартиришга қарор қилди. У дастлаб парҳезлар билан тажриба қилишни бошлади, аммо узоқ вақт мобайнида қатъий чекловларга риоя қилолмади.
2019 йилга келиб, у «кето» парҳезини топди ва унга амал қилишни бошлади. Унга парҳезнинг ёққан томони шу бўлдики, чекловлар кичик бўлса-да, натижаси яхши эди. Кейинчалик Брикли вақт-вақти билан оч юришни ўрганди.
Ҳозирда аёл ҳафтасига уч маротаба шахсий мураббий билан шуғулланади, бошқа кунлари эса 6 километр масофани юриб ёки югуриб босиб ўтади. Бриклининг 64 килограмм вазн йўқотишдаги асосий сири шунда эди.
Унинг айтишича, парҳез билан спортни таққослаб бўлмайди. Энг муҳими, вазн йўқотишни бошлаш ва инсоннинг ўзига нисбатан меҳрибон бўлишидир.
Мавзуга доир:
Изоҳ (0)