Австралиянинг Перт шаҳри атрофида жойлашган истироҳат боғида уч нафар ўрдак илонни кўлдан қувиб чиқарди, деб хабар берди Daily Mail.
Ёввойи табиат сураткаши Тим Кемп айтишича, заҳарли йўлбарс илон кўлда учта ўрдакка қараб сузаётганини кўрган. Табиийки, сураткаш судралиб юрувчини ўрдакларга ҳужум қилади, деб тахмин қилган эди. Аммо ўрдаклар бирлашиб, заҳарли илонни ўз ҳудудидан қирғоққа ҳайдаб чиққан.
«Мен ҳеч қачон бундай вазиятни кўрмаганман. Ўйлашимча, ўрдаклар илонни ҳеч қандай хавф туғдирмаслигини билган. Ўрдакларнинг уйи у ерга яқин эмас, шунингдек, улар йўлбарс илони учун жуда катта ўлжа эди. Унинг учун қурбақа, балиқ ва кичикроқ қушлар тўғри келар эди», − дейди Тим.
Илоннинг узунлиги икки метрни ташкил этади. Унинг заҳри кичик жонзотларни, шунингдек, инсонларни ҳам ўлдириши мумкин.
Изоҳ (0)