Германия чемпионатининг 2020/21 йилги мавсумини очиб берган «Бавария» — «Шальке-04» учрашуви 18 сентябрь, жума куни бўлиб ўтди.
Танаффусга қадар мюнхенликлар уч бор меҳмонлар дарвозасини ишғол қилди. Серж Гнабри 4-дақиқада тўп киритиб, мавсумнинг илк голини урган бўлса, 19-дақиқада Леон Горетцка ўз ҳисобига гол ёздириб қўйди. 31-дақиқада Роберт Левандовски ҳисобни йирик кўринишга олиб келди.
Иккинчи бўлимда майдон эгалари яна бешта гол уришга эришди. Гнабри яна иккита гол уриб, ҳет-трик қайд этган бўлса, 69-дақиқада Томас Мюллер жамоасининг олтинчи голини урди.
Шунингдек, Лерой Сане ва жамоанинг 17 ёшли ярим ҳимоячиси Жамол Мусиала «Бавария» сафидаги дебют голларини урди.
Шу тариқа амалдаги чемпион мавсумни йирик ҳисобдаги ғалаба билан бошлади.
Бундеслига
1-тур баҳси
18 сентябрь, жума
«Бавария» — «Шальке-04» 8:0
Голлар: 1:0 – 4 Гнабри, 2:0 – 19 Горетцка, 3:0 – 31, пенальти Левандовски, 4:0 – 47 Гнабри, 5:0 – 59 Гнабри, 6:0 – 69 Мюллер, 7:0 – 71 Сане, 8:0 – 81 Мусиала.«Бавария»: Нойер, Павар, Зюле, Боатенг (Ричардс, 73), Люка Эрнандес, Горетцка (Толиссо, 51), Киммих, Сане (Кюизанс, 73), Мюллер (Зиркзее, 83), Гнабри (Мусиала, 73), Левандовски.
«Шальке-04»: Ферманн, Руди, Кабак, Стамбули, Очипка, Матондо (Раман, 66), Сердар (Шопф, 30), Бенталеб, Харит (Беккер, 79), Ут, Пасиенсия (Скрибски, 79).
Огоҳлантиришлар: Кабак (30), Киммих (65), Стамбули (82).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)