Коронавирусга қарши кураш штаби аъзоси Барно Абдусаматова куз—қиш мавсумида кузатиладиган аллергик йўтални коронавирус аломатларидан қандай фарқлаш мумкинлигига аниқлик киритиб ўтди.
Мавзуга доир: Аллергияси бор беморлар коронавирус юқтирмаганлигини аниқлашда нималарга эътибор қилиши лозимлиги айтилди
Куз—баҳор мавсумининг бошланиши, ҳаво ҳарорати совиб бориши билан айрим касалликлар юзага чиқади. Булар орасида, айниқса, аллергия касаллиги кўпчиликни безовта қилади. Аллергик йўтал узоқроқ давом этади ва мавсумий бўлади. У кузда ва баҳорда кузатилади. Аллергияси бор беморлар шу даврда ўзининг аллерголог шифокори билан маслаҳатлашиши керак. Яна шуни эътиборга олиш керакки, коронавирус йўталдан ташқари ўзининг бир қатор симптомлари билан келади, масалан, тана ҳарорати кўтарилиши, мушакларда оғриқ, нафас қисиши, таъм ва ҳид йўқолиши ва ҳоказолар. Агар фарзандингизда йўталдан ташқари шу белгилар ҳам намоён бўлса, ҳудудий поликлиникага мурожаат қилинг. Чунки аллергия фонида келадиган коронавирус касаллиги нафас сиқиши каби аломатларга олиб келиши мумкин. Шунинг учун фарзандингизда касаллик аломатлари кузатилса, дарҳол шифокорга мурожаат қилинг.Эслатиб ўтамиз, Ўзбекистонда коронавирус инфекциясига чалиниш билан боғлиқ илк ҳолат 15 март куни тонг соат 06:00 да тасдиқланган эди. Биринчи бемор 11 март куни Франциядан қайтган аёл бўлди. Кейинчалик унинг ўғли, қизи, турмуш ўртоғи, невараси ва яна бир қариндошида ҳам коронавирус инфекцияси аниқлангани маълум қилинган эди. Бундан ташқари, 15 март куни тонгда Истанбулдан учиб келган ўзбекистонлик эркакда, шунингдек, 14 март куни тонгда Лондондан учиб келган Ўзбекистон фуқаросида ҳам коронавирус аниқланган. Соғлиқни сақлаш вазирининг маълум қилишича, 16 март ҳолатига 5,6 мингдан ортиқ одам карантинга олинган.Барно Абдусаматова, Коронавирусга қарши кураш штаби аъзоси
Бугунги кунда Ўзбекистонда 15 сентябрь соат 23:30 дан 16 сентябрь соат 23:30 га қадар коронавирус юқтириб олиш билан боғлиқ 597 та ҳолат қайд этилган. Бу сўнгги 6 кун ичидаги энг юқори кўрсаткич. Янги ҳолатлардан сўнг Ўзбекистонда коронавирусга чалинганлар сони 49162 нафарга етди. Коронавирусга чалиниш ҳолатларининг 1,2 фоизи 16 сентябрга тўғри келди.
Изоҳ (0)