«Металлург» бош мураббийи Андрей Шипилов Coca-Cola 15-туридан ўрин олган «Қўқон-1912»га қарши ўйиндаги ғалабадан (2:0) кейин ўз фикрлари билан ўртоқлашди.
Мавсумнинг 12 та тури ортда қолди. Ҳар бир жамоанинг ўз мақсади бор. Қўқонликлар ўз олдига юқори мақсадларни қўйганлигини эшитдим. Бизда ҳам ўз режаларимиз, мақсадларимиз бор. Ҳар бир ўйинга футболчиларни яхши тайёрлашга ҳаракат қиляпмиз. Айтиш жоиз, ҳар икки жамоага ҳам осон бўлмади. Футболчиларга раҳмим келади. Улар шундай шароитда ҳам майдонга тушмоқда. Барча футболчилар ўз саломатлигига таваккал қилди. Майдон четида туриб яратгандан ҳеч қайси футболчи жароҳат олмаслигини сўраб турдим. Футболчилар ҳаракат қилмади демаган бўлардим. Қўлидан келганича ҳаракат қилди.Эслатиб ўтамиз, «Қўқон-1912» — «Металлург» учрашуви бўлиб ўтган Қўқондаги стадионда аввалроқ ОТМ имтиҳонлари ўтказилганди.Ҳар икки жамоа ҳам ўз даражасида ўйнай олмади. Гарчи ғалаба қозонган бўлсак ҳам ўйиндан кўнглим тўлмади. Шогирдларим кичик мўъжиза яратди. Пандемиянинг биринчи танаффусига қадар барчаси яхши эди. Иккинчи танаффусдан яхши ҳолатда чиқдик деб бўлмайди, тўғри сафарда «Локомотив» ва «Андижон»ни ютдик. Ҳозир футболчилар кичик қаҳрамонлик кўрсатмоқда. Футболчиларнинг тикланиши мураккаб кечаётганини таъкидлаган бўлардим. Уларга осон деб бўлмайди. Иккита сафар учрашуви анча қийин кечди.
Ҳозир мен чемпионатда яна танаффус бўлиб қолишидан қўрқяпман. Юзага келадиган ҳар қандай танаффус футболчилар учун оғир бўлади. Учинчи танаффус керак эмас, деб ҳисоблайман. Бундан буёғига тўхталишларсиз мавсумни якунлашни истайман.
Андрей Шипилов, «Металлург» бош мураббийи
«Металлург» 15-турдан кейин 28 очко билан 5-ўринда кетмоқда. Жамоа 16-турни муддатидан аввал «Пахтакор»га қарши ўтказганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)