LG компанияси иккиталик экранга эга йиғма констурксияли инновацион Wing моделини тақдим этди, деб хабар беради GSMArena.

Фото: GSMArena

Қурилманинг асосий экранни 2460 х 1080 пикселга эга диагонали 6,8 дюймга тенг P-OLED-дисплейи ташкил этади. Иккинчи G-OLED-дисплейнинг томонлар нисбати эса 1,15:1 га тенг бўлиб, диагонали 3,9 дюймга тенг. Бармоқ изи сканери асосий экран юзасида жойлашган, корпуси эса IP54 стандарти бўйича ҳимояланган.

Фото: GSMArena

LG’нинг ҳисоблашича, иккинчи экран қурилмадан фойдаланиш имкониятларини сезиларли даражда оширади. Компания бунга мисол қилиб смартфондан ноодатий форматда фойдаланиш сценарийсини мисол қилиб келтирган: ундан навигатор сифатида фойдаланиш ва шу билан бирга, сўнгги янгиликларни ўқиш, ҳужжатлар билан ишлаш, изоҳларга жавоб бериш ёки мессенжерда ёзишмаларни амалга ошириш мумкин.

Asphalt 9 ўйинидан фойдаланиш бўйича мисол:

Фото: GSMArena

Навигация эса қуйидагича кўринишда бўлади:

Фото: GSMArena

Корейслар механизмнинг ўзини ишончли деб атамоқда: 200 минг маротаба очиб-ёпишлар тестдан ўтказилган. Шунингдек, LG’нинг маълум қилишича, смартфон кунига юз маротаба очиб-ёпилганида ҳам камида беш йил хизмат қила олади.

Қурилманинг ишлаши учун бешинчи авлод Snapdragon 765G процессори, 8 гигабайт тезкор ва 256 гигабайт ички хотира жавоб беради. Аккумулятор сиғими 4000 мА/соатга тенг, бундан ташқари, Quick Charge 4.0+ тезкор зарядланишни қўллаб-қувватлайди.

Фото: GSMArena

Смартфонга тўртта камера ўрнатилган: асосий блокидан 64, 12 ва 13 мегапикселли датчиклар ўрин олган. Бурилувчан механизм сабаб аппаратда видео тасвирга олишни барқарорлаштириш дастури мавжуд. Фронтал камераси эса 32 мегапикселга тенг.

LG Wing дастлаб Жанубий Кореяда, шундан сўнг, Европа ва АҚШда сотувга чиқади. Европада у 1100 евродан сотилади. Кореяда савдолар октябрдан бошланиши керак.

Аввалроқ LG минг доллар эвазига ноёб смартфон тақдим этишга тайёрланаётгани тўғрисида хабар берилганди.