Видео: Панорама том ва юкхонасида аудиотизимга эга Lada 4х4

TikTok видеосервисида сифатли тюнингга эга бўлган ноодатий Lada 4х4 моделига оид қисқа ролик пайдо бўлди, деб хабар беради Motor.

Афтидан, машина эгаси ўзининг тўрт эшикли автомобилини «орзудаги машина»га айлантиришга пулини қизғанмаган кўринади. Тюнингга учраган машина асосини оддий «Нива» эмас, балки 2017 йилда йўлтанламаснинг 40 йиллик юбилейи муносабати билан ишлаб чиқарилган тўқ кул рангдаги махсус 40th Anniversary ташкил этади. Версия тиражи 1977 нусхага тенг.

Lada’ни қайта ишлаш жараёнида унинг радиатор панжараси модификацияга учраган Bronto билан алмаштирилган, оптика ва бампери яхшиланган. Шунингдек, модель ўзгача капот, йиғилувчан орқани кўришга мўлжалланган ойналар, кенгайтирилган ғилдирак аркаларига эга бўлган.

Махсус версиянинг завод ўриндиқлари янги чармли ва электр бошқарилувчи креслоларга алмаштирилган. Автомобиль янги ускунали олд қурилмалар панели, Lada Vesta рули, иқлим назорат ва икки сексияли панорама том билан жиҳозланган. Юкхонасига эса тўртта динамикли аудиотизим ўрнатилган.

Машина ҳаракатга келтирувчи қисмига ўзгартириш киритилган ёки киритилмагани номаълум. «Юбилей» Lada 4х4’га 83 от кучига эга 1,7 литрли стандарт двигатель ўрнатилган бўлиб, у 7265 доллардан сотилган.

Аввалроқ Москвада Lada 4х4 модели ғилдираклар устидаги уйга айлантирилгани тўғрисида хабар берилганди.