Ливан пойтахти Байрут шаҳри порти ҳудудида кучли ёнғин содир бўлди. Ёнғин оқибатида келиб чиққан қуюқ қора тутунни 3 километрдан кўриш мумкин, деб хабар беради «РИА Новости».
Дастлаб Ливан ОАВ ёнғин Duty Free ҳудудидаги ангарлардан бирида бошланганини хабар қилди. Ливан Қизил Хоч жамияти бош директори айтишича, ёнғин чиқиндини ёқиш натижасида юзага келган.
Воқеа жойига ўт ўчирувчилар ва ҳарбийлар етиб келишган.
Кейинчалик Ливан армияси ёнғин эркин божхона зонасида мотор мойлари ва шиналари бўлган омборда чиққанини айтди.
«Ўт ўчириш бригадалари ёнғин содир бўлган жойда ишламоқда, уларга армия вертолётлари ёрдам бермоқда», – дейилади хабарда.
Эслатиб ўтамиз, 4 август куни Байрут портида кучли портлаш юз берган. Оқибатда юзлаб уй вайрон бўлган, баъзилари бутунлай қулаб тушган. Портлаш оқибатида 190 киши вафот этган. Олти мингдан ортиқ киши эса яраланган.
Мавзуга доир: Байрут портидаги портлаш оқибатида етказилган зарар миқдори 15 млрд доллардан ортиққа баҳоланди
Ливан пойтахти табиий офат зонаси деб тан олинган. Шаҳарда фавқулодда ҳолат 19 сентябргача амал қилади.
Изоҳ (0)