Бутун дунёда коронавирус оқибатида вафот этганлар сони 900 минг кишидан ошди. Бу ҳақда вирус тарқалишини реал вақтда кузатиб келаётган Жонс Ҳопкинс университети маълумотларида келтирилган.
Маълумотларга кўра, бутун дунёда коронавирусга чалинганлар сони 27,6 миллион кишидан ошган, 18,6 миллион бемор ҳозирга қадар соғайган.
Касалликка чалиниш ҳолатларининг аксарияти АҚШ ҳисобига тўғри келмоқда — 6,3 миллион. Ундан кейинги ўриндан Ҳиндистон (4,3 миллион) ва Бразилия (4,1 миллион) ўрин олган. Тўртинчи поғонада 1 миллиондан ортиқ касал билан Россия жойлашган бўлиб, унинг ортидан Перу (696 минг) ва Колумбия (679 минг) кетмоқда.
Ўзбекистонда 10 сентябрь соат 10:00 ҳолатига кўра, коронавирус инфекцияси қайд этилганлар сони 45 160 кишига етди. Ўтган бир кечада яна икки киши COVID-19 асоратлари оқибатида вафот этган. Ҳозиргача Соғлиқни сақлаш вазирлиги 368 кишининг коронавирус асоратларидан вафот этганини хабар берди. «Дарё» ҳисоби бўйича коронавирусга чалингач, вафот этганлар сони 382 нафарга етган.
Эслатиб ўтамиз, дунёда коронавирусга чалинганлар сони 7 сентябрь куни 27 миллиондан ошган.
Изоҳ (0)